სიახლეები

 

2014 წლის 20-23 მაისს, მსოფლიოს ბიომრავალფეროვნების დღესთან დაკავშირებით, თბილისის ზოოპარკის ბავშვთა საგანმანათლებლო ცენტრში  ჩატარდება სამეცნიერო კონფერენცია „ადამიანი და ცხოველთა სამყარო“.

 

1. წარმოდგენილი ნამუშევრების შინაარსი, კონფერენციის სახელწოდებიდან გამომდინარე, უნდა ეხებოდეს ცხოველთა სამყაროს წარმომადგენლებს, მათ ქცევას, ადამიანისა და ცხოველების ურთიერთდამოკიდებულებას, ეკოლოგიურ პრობლემებს;

2. მონაწილეთა ასაკი: საშუალო სკოლის V-XII კლასების მოსწავლეები;

3. ნაშრომის მოცულობა არ უნდა აღემატებოდეს 10 A4 ზომის ნაბეჭდ გვერდს. ნაშრომს თან უნდა ერთვოდეს რეზიუმე (ნაშრომის მოკლე მიმოხილვა);

4. ნაშრომი შესრულებული უნდა იყოს ბეჭდური სახით;

5. კონფერენციის II ტურში გადასულ მონაწილეებს გადაეცემათ სიგელი ღონისძიებაში მონაწილეობისათვის, ხოლო გამარჯვებულები დაჯილდოვდებიან I, II და III ხარისხის დიპლომებით;

6. დიპლომები გადაეცემათ გამარჯვებული მოსწავლეების პედაგოგებსაც;

7. მსურველებმა უნდა გაიარონ რეგისტრაცია თბილისის ზოოპარკის საგანმანათლებლო ცენტრში 2014 წლის 1-დან 31 მარტამდე (შესაძლებელია ტელეფონით რეგისტრაციაც);

8. ნაშრომების წარმოდგენა დაიწყება 2014 წლის 1 აპრილიდან და გაგრძელდება 30 აპრილამდე;

9. კონფერენციის I ტურის გამარჯვებულთა სია გამოქვეყნდება 2014 წლის 15 მაისს;

10. 2014 წლის 20, 21, 22 მაისს ზოოპარკის საგანმანათლებლო ცენტრში გაიმართება II ტურში გადასული მოსწავლეების  ნაშრომების პრეზენტაცია;

11. 2014 წლის 23 მაისს შედგება გამარჯვებულ მოსწავლეთა დაჯილდოება;

 

1. ნამუშევარში გადმოცემული მასალა შეესაბამება კონფერენციის თემატიკას;

2. ნამუშევარი შესრულებულია გამართული ქართული ენით;

3. ნამუშევარში წარმოჩენილია პრობლემა, მისი გადაჭრის გზები და პირადი დამოკიდებულება პრობლემისადმი;

4. ნაშრომში ჩანს მონაწილის პირადი დაკვირვების შედეგი, მონაცემების მოპოვებისა და ანალიზის უნარი.

 

დამატებითი ინფორმაციისთვის მიმართეთ ზოოპარკის ბავშვთა საგანმანათლებლო ცენტრს.

ტელ.: 213 10 88, 595 90 67 90     

ელფოსტა: education@zoo.ge