ჰაერით მსუნთქავი ხერხემლიანი ცხოველების კლასია, რომლებსაც ახასიათებთ: ენდოთერმულობა (თბილსისხლიანები არიან), თმა, შუა ყურის სამი ძვალი, ოთხ კამერიანი გული და რძის ჯირკვლები, რომლებიდან გამოყოფილი რძითაც დედა ნაშიერს მისი დაბადების შემდეგ კვებავს. ძუძუმწოვრების უმეტესობას ასევე ახასიათებს ოფლის ჯირკვლები და სპეციალიზირებული კბილები. ძუძუმწოვრების ზომა 30-40 მილიმეტრიდან (ერთ-ერთი ღამურა), 33 მეტრამდე (ლურჯი ვეშაპი) მერყეობს. ერთგასავლიანი კვერცხისმდებლების ხუთი სახეობის გარდა, ყველა არსებული ძუძუმწოვარი ცოცხალმშობიარეა. ჩვენს ზოოპარკში ძუძუმწოვრების 50-მდე სახეობა ბინადრობს.

ხერხემლიანი ცხოველებია. მათი სხეული დაფარულია ბუმბულით, აქვთ ფრთები, ორი ფეხი, არიან თბილსისხლიანები და დებენ კვერცხებს. დღეს დედამიწაზე ფრინველების დაახლოებით 10 000 სახეობა არსებობს. მათი ზომები 5 სმ-დან (კოლიბრი), 2.75 მეტრამდე (სირაქლემა) მერყეობს. მრავალ სახეობას თბილ ქვეყნებში ყოველწლიური მიგრაციაც ახასიათებს და ისინი ამ დროს საოცრად დიდ მანძილებს ფარავენ. ფრიველთა ყველა სახეობას აქვს ფრთები, მაგრამ ზოგიერთი მათგანი არ დაფრინავს. მათ შორის არიან: სირაქლემები, პინგვინები და კუნძულების ზოგიერთი სახეობები. თბილისის ზოოპარკში ფრინველების 40-ზე მეტი სახეობა შეგიძლიათ დაათვალიეროთ.

ჰაერით მსუნთქავი ცივსისხლიანი ხერხემლიანების ჯგუფია, რომლთა კანიც დაფარულია ქერცლით და კანიან კვერცხებს დებენ (ზოგიერთი გველის გარდა, რომლებიც ცოცხალმშობიარენი არიან). რეპტილიები ტეტრაპოდები არიან, ანუ ოთხი კიდური აქვთ, ან ოთხკიდურიანი ცხოველიებისგან წარმოიშვნენ (გველების შემთხვევაში). რეპტილიების ზომა პატარა გეკონის ზომიდან (1,7 სმ), მარილიანი წყლის ნიანგის ზომამდე მერყეობს, რომელიც სიგრძეში 6 მ-ს აღწევს და 1000 კგ-ს იწონის.

ლაყუჩებით მსუნთქავი წყლის ხერხემლიანებია არიან, რომლებსაც არ აქვთ თითებიანი, სასიარულო კიდურები. თევზების დაახლოებით 32 000 სახეობა მეტ სახეობირვ მრავალფეროვნებას ავლენს, ვიდრე ნებისმიერი სხვა ხერხემლიანი. თევზები ცივსისხლიანები არიან, ანუ მათი სხეულის ტემპერატურა დამოკიდებულია გარემოს ტემპერატურაზე, თუმცა ზოგიერთი აქტიური მცურავი, როგორიცაა თეთრი ზვიგენი და ტუნა, სხეულის უფრო მაღალ ტემპერატურას ინარჩუნებენ. თევზების უმეტესობა ქვირითის ყრით მრავლდება, მაგრამ არიან ცოცხალმშობიარე სახეობებიც. ჩვენი ზოოპარკის ეგზოტარიუმში თევზების რამდენიმე ათეული სახეობის, დიდი თუ მცირე ზომის, ძალიან საინტერესო წარმომადგენლის დათვალიერება შეგიძლიათ, რომლებიც მნახველებზე დიდ შთაბეჭდილებას ახდენენ.

ხერხემლიანი ცხოველების კლასია, სადაც ისეთი ცხოველები შედიან, როგორიცაა: გომბეშოები, ბაყაყები, უკუდო ამფიბიები და სალამანდრები. დღეს მსოფლიოში ამფიბიების 6 500 სახეობას ითვლიან. ამფიბიებს ცხოვრება შეუძლიათ როგორც ხმელეთზე, ასევე წყალში. მათ ახასიათებთ მეტამორფოზი (როცა ახალგამოჩეკილი ცხოველი წყალში თავკომბალას ან ლარვას სახით ცხოვრობს, შემდეგ კი, კიდურები უვითარდება და ხმელეთზე გამოდის). თუმცა ზოგიერთი სახეობის შემთხვევაში ცხოველი მუდამ წყლის ფორმად რჩება. ამფიბიების კლასის მრავალ წარმომადგენელს სუნთქვა სველი კანით შეუძლია.